Updates from ខែ​ឧសភា, 2009 Toggle Comment Threads | គ្រាប់​ចុច​ផ្លូវ​កាត់

  • Bandith 11:54 am on May 31, 2009 តំណភ្ជាប់អចិន្ត្រៃ | ឆ្លើយតប  

    Video Clip របាំសហសម័យ “Look At Us Now” 

    ខាងក្រោមនេះជា Video Clip ដែលខ្ញុំបានថតកាលពីម្សិលម៉ិញនៅរោងសិល្បសុវណ្ណភូមិ ។ ដោយសារខ្ញុំអត់ការម៉េ វីតាអូថតនឹងគេ ចឹងហើយ អាឌីជីថលដៃផស់ខ្ញុំនឹង ថតមិនសូវជាច្បាស់ប៉ុន្មានទេ តែនៅគ្រាន់បើជាងអត់ យ៉ាងណាៗគ្រាន់ចែកជូនអូនៗ បងៗមួយចំនួន ដែលនៅជើងមេឃម្ខាងទៀត  Alone តាឯងនៅ “បរទេះ” ដែរ។ សំរាប់អ្នកនៅស្មែរយើងសោះនែក បើមិនទាន់បានទស្សនា នៅសល់មួយថ្ងៃនេះទេ (ថ្ងៃអាទិត្យ ៣១/០៥/២០០៩) លឿនឡើងរ៉ូវ។ សំបុត្រសំរាប់ជនជាតិខ្មែរ ២០០០រៀល និងបរទេស ៣តុលា។

    សាច់រឿងមានជាឈុតៗ ដូចតទៅ៖

    ឈុតទីមួយ – ការស្ថាបនាប្រាសាទ

    ឈុតទីពីរ – នាងអប្សរា

    ឈុតទីបី – វប្បធម៌រលត់រលាយ

    ឈុតទីបួន – ក្ដីបារម្ភរបស់សិល្បករ

    ឈុតទីប្រាំ – ហ្វឹកហាត់ និង ទុក្ខលំបាក

    ឈុតទី៦ – ក្ដីសង្ឈឹមថ្មី

    ឈុតទី៧ – រស់ឡើងវិញ

     
  • Bandith 4:22 pm on May 29, 2009 តំណភ្ជាប់អចិន្ត្រៃ | ឆ្លើយតប  

    “សូមមើលមកយីងពេលនេះ” ចាំផ្តើមលេងហើយក្នុងសប្ដាហ៍នេះ 

    ឥឡូវនេះរបាំសហសម័យ  “សូមក្រលេកមើលយើងពេលនេះ នឹងសម្ដែងចាប់ពីថ្ងៃសុក្រ សៅ និង អាទិត្យ នេះហើយ នៅរោងរបាំ សុវណ្ណភូមិ(ម្ដុំឡានបាញ់ទឹក លូទឹកស្អុយ) ។ វាជាទំរង់របាំដែលមានលាយក្បាច់ បុរាណ និង សម័យ ហើយរបាំនេះអត្ថន័យគេនិយាយ ពីទុក្ខលំបាករបស់​សិល្បករ អ្នករបាំ អ្នកសំដែង… យើងឃើញពួកគេសម្ដែង រីករាយ និង ឡូយណាស់លើឆាក តែនៅពីក្រោយឆាកមិនដឹងជាគេមានទុក្ខលំបាកអីខ្លះទេ ជាពិសេស បពា្ហជីវភាព ការរើសអើងក្នុងសង្គម និងអ្វីជាច្រើនទៀត…. នឹងឆ្លុះបញ្ជាំងតាមទស្សនីយ៍ភាពនេះ។ សំរាប់ថ្ងៃសុក្រនេះ ទស្សនាឥតគិត​ថ្លៃ ហើយសៅរ៍ អាទិត្យសំបុត្រ ៣ដុល្លា និង ២០០០សំរាប់សិស្ស និសិ្សត៊។ សូមបងប្អូនភូមិប្លក់ក្ដី មកពីណាពីណីក្ដីអញ្ជើញចូលរួមទស្សនា ដើម្បីលើកស្ទួយស្នាដៃ​ថ្មីនេះផង… ។

    Download photo here

    Some activities:


    More info here: http://newcambodianartists.wordpress.com/2009/05/26/into-the-theatre/

     
  • Bandith 11:28 pm on May 14, 2009 តំណភ្ជាប់អចិន្ត្រៃ | ឆ្លើយតប  

    “ក្រុមសិល្បករបាំសហសម័យខ្មែរថ្មី” 

    New Cambodian Artists គឺជាក្រុមសិល្បកខ្មែរ ដែលមានគ្នាជាង ១០នាក់ ហើយកំពុងតែធ្វើការរួមគ្នាក្នុងការបង្កើតស្នាដៃ​សិល្បរបាំសហសម័យ
    អានបន្ដ… នៅទីនេះ http://www.bandith.info/blog/?p=178


    New Cambodian Artist (Picture)

     
  • Bandith 1:40 am on February 17, 2009 តំណភ្ជាប់អចិន្ត្រៃ | ឆ្លើយតប  

    កម្មវិធីសម្ដែងសិល្បៈរបាំបូរាណនៅវិទ្យាស្ថានសិល្បៈខ្មែរ 

    ជូនដំណឹងសំរាប់ មិត្ដដែលចូលចិត្ដគាំទ្រស្នាដៃសិល្បៈរបាំបូរាណខ្មែរឲ្យបានជ្រាបថា​ នឹងមានការសម្ដែងរបាំរយៈពេល៣ថ្ងៃ នៅវិទ្យាស្ថានសិល្បៈខ្មែរ ដោយបង្ហាញជូននូវស្នាដៃថ្មីរបស់អ្នកគ្រូសូភីលីន និងស្នាដៃចាស់កន្លងមករបស់គាត់។ សំរាប់ពត័ត៌មានបន្ថែម សូមចូលទៅកាន់

    http://www.bandith.info/blog/?p=144

     
  • Bandith 4:23 pm on October 23, 2007 តំណភ្ជាប់អចិន្ត្រៃ | ឆ្លើយតប  

    ” ផាមិណាទេវី ” កំពុងសំដែងនៅអាមេរិច – Pamina Devi, US Tour 

    ផាមិណាទេវី គឺជារបាំដែលជាស្នាដៃបង្កើតថ្មីដោយ អ្នកគ្រូ សូភីលីន ជីម សាភីរូ​ដែលបានបកស្រាយពីស្នាដែ ល្ខោន Opera របស់តន្រ្តីករព្យាណូដ៍ល្បីល្បាញមួយរូបឈ្មោះ ម៉ូហ្សាដ(Mozart)។ របាំនេះត្រូវបាន​បញ្ជូលនូវលក្ខណៈជាខ្មែរសុទ្ធសាធ ទាំងក្បាច់រាំ តួរអង្គ និង សាច់ភ្លេង។ កាលពី​ឆ្នាំ១៧៩១ ខណៈដែលលោកម៉ូហ្សាដបាននិពន្ធល្ខោន Opera ដែលមាន ចំណង ជើងថា “The Magic Flute” លោកពុំបានដឹងថានៅ២១៦ឆ្នាំទៅមុខទៀតស្នាដៃនេះ ត្រូវបាន ទេពអប្សរខ្មែរយកមកកែច្នៃ នឹងរេរាំជាមួយក្បាច់ដ៍ល្វត់ល្វន់ ជាលក្ខណៈខ្មែរឡើយ។ ប្រសិនបើ ពេលនេះលោកកំពុងអង្គុយ​តាមដានភាពល្វត់ល្វន់់ទាំងនេះនៅលើឆាកវិញនោះ​ លោកប្រាកដជាអត់ទ្រាំនឹងសរសើរពុំបាន​ឡើយ។

    ផាមិណាទេវី ជាលក្ខណៈខ្មែរបានបកស្រាយអំពី រឿងរ៉ាវក្នុងសង្គមគ្រួសារដែលមានការបែកបាក់ ក៍ដួចជាប្រទេសខ្មែរទាំងមូល ​ដែលត្រូវបានញាំំញីដោយសង្រ្គាម ធ្វើឲ្យខ្មែរឲ្យក្លាយជាប្រទេស​មួយដ៍ទន់ខ្សោយផ្ទុយពីសម័យអាណាចក្រអង្គរ។ នៅក្នុងសាច់រឿងបានបកស្រាយ​ពីភាពមិនចុះសំរុងទាំងនោះ តាមរយៈកាយវិការ ដែលមើលទៅមានន័យជាងការបង្ហាញដោយ​សំដីទៅទៀត។ ព្រះអរុណធិបតី ដែលជាតួរអង្គឪពុកនៃនរគមួយ និងព្រះនាងសាយ័ន្តរាជនី ដែលជាតួអង្គម្តាយរបស់ផាមិណា នៃនរគរមួយផ្សេងទៀត មានជំលោះបែកបាក់គ្រួសារនឹងគ្នា។ ហើយវាក៍ក្លាយជាជំលោះរវាងនរគរមួយនិងនគរមួយ។ ដូច្នេះផលវិបាកគឺធ្លាក់ទៅលើកូន។ វាដូចគ្នាដែរទៅនឹងជំលោះនៅក្នុងគ្រួសារ ហើយរិតតែដូចគ្នា​ដែរទៅនឹងជំលោះនៃប្រទេស ដែលផលវិបាកគឺ កូនៗ និងប្រជាជន។

    អ្នកគ្រូ សូភីលីន បានមានប្រសាសន៍ថា៖ “វាពុំមែនជាក្បាច់រាំដែល ចំលងពី The Magic Flute របស់​ម៉ូហ្សាដនោះទេ ប៉ុន្តែ ផាមិណាទេវី គឺជាអ្វីដែខ្ញុំចង់បកស្រាយអំពីអត្ថន័យដែល ម៉ូហ្សាដមាន” ។ “របាំនេះខ្ញុំបានផ្តោតសំខាន់ទៅលើភាពចម្រូងចម្រាស់ ការប៉ះទង្គិចគ្នានៃភេទទាំងពីរ( ប្រុសស្រី) “។​អ្នកគ្រូក៍ជាប្រជាជនម្នាក់ដែលធ្លាប់បានឆ្លង​កាត់សម័យ ប៉ុលពត ដូចជាប្រជាជនខ្មែររាប់លាន​អ្នកដែរដូច្នេះ តាមរយៈរបាំនេះគាត់មានប្រសាសន៍បន្ថែមទៀតថា៖ “តាមរយៈផាមិណាទេវី គឺជាឧកាសមួយសំរាប់ខ្ញុំដើម្បីបង្ហាញបទពិសោធន៍ដ៍ជូរចត់របស់ខ្ញុំដែលមាន ហើយនិងអ្វីដែល​យើងបានរៀនពីវា”។

    កញ្ញា ពុំធារ៉ា ចិន្តា (ស្រីមុំ) ដែលដើរតួរជានាង​ផាមិណាទេវី បាននិយាយថា ទោះ ជានាងត្រូវបាន​ជំរុញឲ្យក្លាយជានាដការីដោយសារម្តាយនាងកាលពីវ័យកុមារក្តី ប៉ុន្តែនាងស្រលាញ់ការសំដែង​ណាស់។ “ខ្ញុំស្រលាញ់តួផាមិណានេះណាស់ព្រោះនាងជាតួរដែលមានការតស៊ូ និងជួបបញ្ហា​ជាច្រើន។ មានបញ្ហាជាច្រើនដែលផាមិណា។ បានប្រឈមមុខ ហើយក៍ខ្ញុំជឿថាមានប្រជាជន​ជាច្រើនទៀតដែរដែលជួបបញ្ហាដូចនាង”។

    តួរសំដែង៖

    ផាមិណាទេវី – ពុំធារ៉ា ចិន្តា (ស្រីមុំ)
    ព្រះឆព្វណ្ហ – គង់ បូនិច
    ព្រះសាយ័ន្តរាជនី – សំ សត្យា
    ព្រះអរុណធិបតី – ជា សុជាតា
    នរៈ – សៅ ភីរុណ
    ថូនា – សុខ សុខន
    គ្រុឌ – សុទ្ធ សុវណ្ណឌី
    នរី – ឃុត សុថាវី
    បក្សី – ឃុត សុថាវី, មុត ផារ៉ាន់, អ៊ុំ ស្រីវណ្ណ
    សេនារបស់ព្រះនាង សាយ័ន្តរាជនី – ច័ន្ទ សុភាព, ពុំ ម៉ូលីតា, សំ រដ្ឋា, ស៊ិន សុធារី
    សេនារបស់ព្រះអរុណធិបតី – លឹម ច័ន្ទបូរ៉ាមី, ឡុង ច័ន្ទធារី, នង សុផាន់ម៉ៃ, នួន កាហ្សា, រិន ស្រីល័ក្ខ, សៅ សុម៉ាលី, សុទ្ធ សុវណ្ណឌី

    អ្នកច្រៀង ជឹម ច័ន្ទតូភាស, ឆន នីបូរ៉ាន់, មាស សំបូរ, ស៊ឹម ច័ន្ទម៉ូលី

    អ្នកកាន់ឧបករណ៍ភ្លេង ឈុំ គង់, នីល វណ្ណនឿន, នុល កុល, រស់ សុគន្ធ, សក្កិ សុធា, សម វណ្ណា

    ផ្នែកសំលៀកបំពាក់ ផេង យុំ

     


    អ្នកគ្រូ សូភូលីន (អាវពណ៌ស)

     


    ស្រីមុំ ក្នុងតួរជាផាមិណាទេវី (អាវពណ៌ស)


    ផាមិណាទេវី


    ផាមិណាទេវី និងព្រះនាង សាយ័ន្តរាជនី


    ឆាកប្រយុទ្ធជាមួយគ្រុឌ

     

    សូមបញ្ជាក់ថា សប្តាហ៍នេះ​(23/10/2007) ជាសប្តាហ៍ចុងក្រោយសំរាប់ការសំដែងរបស់ រឿងផាមិណាទេវីនៅសហរដ្ឋអាមេរិច។ បច្ចុប្បន្នក្រុមសំដែងកំពុងតែ នៅរដ្ឋ Maryland និង សំដែងនៅ Clarice Smith Performance Art Center។

     

    ព័ត៌មានបន្ថែមសូមមើល៖

    The Magic Flute of Mozart
    Daily Tar Heel
    Khmer Art Academy

    Clarice Smith Center

     

     

     

     
c
Compose new post
j
Next post/Next comment
k
Previous post/Previous comment
r
ឆ្លើយតប
e
កែ
o
Show/Hide comments
t
Go to top
l
Go to login
h
Show/Hide help
shift + esc
បោះបង់